Активности

СТРУЧЕН ИСПИТ ЈУНСКИ РОК

Заради зголемениот интерес овој пат ќе се одржи јунски испитен рок за полагање на државниот испит. Пријавувањето на кандидатите е од 14 до 18 мај 2007 година. Испитот кој трае три дена ќе се полага од 25 до 28 јуни 2007 година.

НАГРАДА “СВ. НАУМ ОХРИДСКИ”

ПРИСТИГНАА САМО ТРИ ПРЕДЛОЗИ

На 15 февруари заврши рокот за пријавување на кандидатите за наградата “Св. Наум Охридски” за 2006 година. Како и секоја година конкурсот за доделување на наградата беше објавен во гласилото на Лекарската комора на Република Македонија, на ВЕБ-страницата на комората. Исто така до сите претседатели на општинските одбори беше испратена копија од конкурсот заради одлуката за предлагање на кандидати.

СТРУЧЕН ИСПИТ-МАЈСКИ РОК

Пријавување на кандидатите за полагање на стручниот испит во мајскиот испитен рок е од 16 до 20 април 2007 година. Испитот, кој трае три дена ќе се одржи од 28 мај до 1 јуни.

КОНКУРСИ ЗА АКРЕДИТАЦИЈА НА ОРДИНАЦИИ И ДОКТОРИ

Врз основа на овластувањата Лекарската комора распишува конкурс за акредитација на ординации за одржување на стручните испити на докторите на медицина. Исто така се распишува конкурс и за членови на комисиите за полагање на државниот испит. Преку конкурсот се бараат нови испитувачи кои треба да ја надоплонат постојната листа. Со конкурсот се бараат доктори специјалисти од областа на хирургија и гинекологија и акушерство.

ПО ПОВОД СЕДМИ АПРИЛ, МЕЃУНАРОДНИОТ ДЕН НА ЗДРАВЈЕТО

ДРУЖЕЊЕ НА 3 АПРИЛ ВО ХАРД РОК

И оваа година Лекарската комора на Република Македонија ќе го одбележи 7. Април, Меѓународниот ден на здравјето. Овој пат докторското дружење ќе биде во клубот Хард Рок на 3 април со почеток во 22 часот. Лекарската комора ги поканува сите доктори да дојдат на докторското дружење кое повеќе од десет години е традиција.

МИНИСТЕРСТВОТО ЗА ЗДРАВСТВО, ФОНДОТ ЗА ЗДРАВСТВЕНО ОСИГУРУВАЊЕ И ЛЕКАРСКАТА КОМОРА ФОРМИРАА ТРИЛАТЕРАЛНА КОМИСИЈА

КОНТИНУИРАНО РЕШАВАЊЕ НА ПРОБЛЕМИТЕ

Врз основа на разговорите во Министерството за здравство и Фондот за здравствено осигурување, договорено е да се формира комисија составена од претставници на Министерство за здравство, на Фонд за здравствено осигурување и на Лекарска комора на Република Македонија. Комисијата која ќе се нарекува трилатерална ќе заседава континуирано заради дефинирање и редефинирање на пакетот за здравствени услуги, цената на здравствени услуги од пакетот и други прашања од интерес на докторите на медицина

КОНКУРС ЗА НАГРАДАТА “СВ. НАУМ ОХРИДСКИ”

Како и секоја година Комисијата за доделување на наградата “Св. Наум Охридски” за особени постигнувања во областа на здравството го распиша конкурсот за 2006 година. Иницијативата за доделување на наградата можат да ја поднесат исклучиво општинските одбори на Лекарската комора. Тие треба да пристигнат најдоцна до 15 февруари 2007 година.

СОСТАНОК НА КОМИСИЈАТА ЗА ЕТИЧКО-ПРАВНИ ПРАШАЊА

Комисијата за етичко-правни прашања ќе одржи состанок на 10 јануари 2007 година. До стручната служба-односно до Одделението за запишување на докторите и за обновување на лиценците до 5 јануари 2007 година се доставени вкупно 68 барања. Се очекува Комисијата да ги прифати доставените апликации.

СТРУЧЕН ИСПИТ-ФЕВРУАРСКИ РОК

Пријавувањето на кандидатите за полагање на стручниот испит за февруарскиот испитен рок започнува на 15 а завршува на 19 јануари. Испитот, кој трае три дена ќе се одржи на 19, 22 и 23 февруари. Според програмата постојат четири испитни сесии- последните цели недели во февруари, мај и септември и првата недела во декември.

ДОДЕЛЕНИ СЕРТИФИКАТИТЕ ЗА ЗАВРШЕНА ОБУКА

На осми декември во Скопје на свечен начин беа доделени сертификатите за успешно завршување на обуката (Модул 1 и Модул 2), во рамките на процесот за модернизирање на едукативниот дел на процесот за лиценцирање на лекари, фарамацевти и стоматолози.

IV Конгрес на педијатрите на Македонија

ПОДГОТВЕНИ 3.286 ЛИЦЕНЦИ

Според документацијата со која располага Одделението за запишување на доктори и за обновување на лиценците досега се изработени 2.663 лиценци за работа. Изработени се и 620 основни лиценци. До Лекарската комора на Република Македонија се доставени апликации за повеќе од 260 лиценци за работа. Се очекува сите лиценци да бидат подготвени за триесеттина денови. Според проценките врз основа на непотврдени информации се очекува апликации на уште околу 300 до 500 доктори. На овој начин ќе се комплети