Членувањето во Лекарската комората е право и должност на сите доктори на медицина кои вршат докторска дејност на територија на Република Северна Македонија, вклучително и странски државјани.
Во Комората може да членува и доктор на медицина кој вршел докторска дејност на територијата на Република Северна Македонија, невработен доктор на медицина, доктор на медицина кој е вработен надвор од здравствениот систем и доктор на медицина - странски државјанин кој престојува и привремено врши здравствена дејност во Република Северна Македонија и има лиценца издадена од Комората.
Права на членовите на Лекарска комора
Членовите на Комората ги имаат следните права:
Право да ги бираат органите и телата на Комората и правото да бидат избрани;
Право на советодавно-правна помош за прашања од стручна и професионална природа;
Право на стручно-медицински совети и поддршка;
Право да ги користат бенефициите што ги договорила Комората со други правни и физички лица;
Право на парична помош на член на Комората во согласност со актите на Комората;
Право на бесплатен примерок на гласилото на Комората.
Обврски на членовите на Лекарска комора
Членовите на Комората ги имаат следните обврски:
Обврска за почитување и придржување кон сите прописи донесени од органите на Комората, особено кон Кодексот за медицинска етика и деонтологија и Статутот на Комората;
Обврска за почитување на актите донесени од органите на Комората;
Обврска да ја известат Комората за сите промени во вработувањето, образованието, професионалниот, научниот и образовниот напредок, како и промените на личните податоци во согласност со актите на Комората;
Обврска за обезбедување на информации потребни за правилно спроведување на активностите на Комората;
Обврска да соработуваат и учествуваат во стручен надзор во согласност со актите на Комората;
Обврска редовно да ја плаќаат членарини и сите други финансиски обврски што произлегуваат од членството во Комората;
Други обврски што произлегуваат од Статутот и актите на Комората
