IN MEMORIAM д-р Владимир Плавевски

Почина д-р Владимир Плавевски, истакнат оториноларинголог, но во пошироката јавноста познат и како талентиран писател и фотограф. Плавевски е роден 1948 година во Скопје, каде завршил Медицинскиот факултет. Својата професионална надоградба ја продолжил со специјализација по оториноларингологија и субспецијализација по аудиологија, а се стекнал и со звање примариус. Најголем дел од својот работен век како доктор го поминал  во Здравствениот дом „Скопје“.

Д-р Славевски ќе остане запаметен како исклучителен лекар и професионалец, посветен на своите пациенти, но и одличен соработник и колега.

Лекарската комора изразува жалење за загубата на извонреден колега и упатува сочувство до семејството.