Одржани турнири во мал фудбал и кошарка

Во организација на Комисијата за спортски активности во септември и октомври се одржаа два турнири за доктори во кошарка и мал фудбал.

На турнирот за доктори во кошарка во Скопје учество зедоа повеќе екипи, а се одржа во спортската сала на гимназијата „Јосип Броз Тито“. Прво место освои екипата која е по трет пат победник во состав од д-р Вангел Ристовски, д-р Александар Ќосев и д-р Горјан Милановски. Во категоријата шутирање тројки, најдобар беше д-р Милош Милутиновиќ.

На 26 октомври се одржа и турнир во мал фудбал на терените кај гимназијата „Никола Карев“ во Скопје. Во многу интересни натпревари овојпат првото место го освои екипата на „Аџибадем Систина“ и со тоа се реваншираше на екипата на Клиничка болница Штип која овојпат го освои второто место.

Со бронзен пехар се закити екипата со мешовит состав од доктори од повеќе медицински установи од Скопје.

Лекарската комора за сите учесници на турнирите обезбеди дипломи за учество, маици, а за победниците пехари.