Турнири во шах, пинг-понг и во тенис

Комисијата за спортски активности на Лекарска комора организира три спортски активности во април и мај.

На 20.04.2024 година со почеток во 10 часот во хотел „Оаза“ во Штип ќе се одржи турнир во шах. Љубителите на пинг-понг ќе имаат можност да учествуваат во натпревар што ќе се одржи на 27.04.2024 година со почеток во 10 часот во Радовиш. Во Кочани традиционално се организира турнир во тенис на 18-19.05.2024 година.

Комората ги поканува сите доктори кои сакаат да се рекреираат и дружат да се пријават за учество кај д-р Љупчо Милановски на тел. број 070/210-530, кој е претседател на Комисијата за спортски активности, како и со порака на Фејсбук страницата на Комората.