Одржани турнири во кошарка и фудбал, следува планинарење и тенис

Во организација на Комисијата за спортски активност на 27.05.2023 година во спортската сала на училиштето  "Јосип Броз" се одржа турнирот во кошарка со учество на повеќе екипи. Првото место и одбрана на титулата од минатата година го освои екипата во состав д-р Горјан Милановски, д-р Вангел Ристовски, д-р Александар Косев и д-р Иван Акимовски. На второ место се пласираше екипата предводена од д-р Мартин Трајанов, на третото место екипата предводена од д-р Милош Милутиновиќ. Се одржа и интересен натпревар во шутирање на тројки во кој победи д-р Вангел Ристовски.

На 28.05.2023 година, на фудбалскиот терен на "Форца" во Скопје, се одржа и турнирот во мал фудбал. Во многу интересни натпревари првото место го освои екипата на Клиничка болница Штип и со тоа ѝ се реваншираше на екипата на "Аџибадем Систина", за минатогодишниот пораз. "Аџибадем Систина",  овој пат, беше второпласирана, а третото место го освои екипата на д-р Ивица Клењоски.

Како и секогаш, Комисијата за спортски активности за сите учесници обезбеди спортски маици, дипломи, освежување и пехари за победниците. Kомисијата изразува посебна благодарност до „Аџибадем Систина” за логистиката во организацијата на фудбалскиот турнир.

За следниот период се најавуваат следни спортски активности:

• Тенис - 10 и 11 јуни во Кочани
• Планинарење - 18.06.2023 година  во Кичево

Сите заинтересирани доктори за учество во спортските активности може да се пријават кај д-р Љупчо Милановски, претседател на Комисија за спортски активности  на тел.број.070 210 530.