Одбележување на 7 Април, Светски ден на здравјето
Календар на спортски активности
![](https://lkm.org.mk/upload/records/792/20230326_215549_viber_image_2023-03-26_23-47-47-971.jpg)
Комисијата за спортски активности на Лекарска комора организира неколку спортски настани по повод одбележување на 7 Април, Светскиот ден на здравјето.
Досега се утврдени термини за следните активности, за што е во тек пријавување за учество:
- 1 април 2023 година, сабота - турнир во стрелаштво во стреланата „Стрелец“ во гимназијата „Раде Јовчевски Корчагин“ со почеток во 11 часот
- 8 април 2023 година, сабота - турнир во шах во Прилеп со почеток во 11 часот. Домаќин на настанот е шаховски клуб Прилеп, а дополнително ќе се достави информација за локацијата на настанот
- 6 мај 2023 година, сабота – турнир во пинг-понг во Охрид со почеток во 11 часот, а дополнително ќе се достави информација за локацијата на настанот.
Во фаза на договарање се и термини за одржување на активности во тенис, фудбал, кошарка, планинарење и за прв пат велосипедизам, за што ќе биде објавена дополнителна информација.
Комисијата за спортски активности упатува покана до сите членови на Лекарската комора да се вклучат во спортските активности, секој согласно своите интереси. За повеќе информации околу организацијата на турнирите како и пријавување за учество може да се направи и кај претседателот на оваа комисија, д-р Љупчо Милановски на тел. број 070 210 530.