ЛКМ на Симпозиум на ZEVA во Будимпешта

Делегацијата на Лекарската комора на  Македонија предводена од Претседателката доц. д-р Калина Гривчева Старделова, д-р Џабир Бајрами претседател на Собранието на Комората и д-р Илберт Адеми член  на Извршниот одбор на Комората присуствува на 26 -от Симпозиум на ЗЕВА во  Будимпешта, Унгарија. Симпозиумот почна денес, а главни теми се: обезбедување  на квалитет на системите за здравствена заштита, вакцинација - движења против  антивакцинација и ментално и физичко здравје на лекарите.

Во оваа докторска асоцијација се  организирани коморите од повеќе од 25 земји на Централна и Источна Европа за да  ја поддржуваат, промовираат и прошируваат улогата и работата професионалните  коморски асоцијации, да разменуваат искуства и мислење, како и да заземат  ставови и да дадат предлози од делокруг на нивното делување, но и во функција  на подобрување на здравствениот систем и обезбедување квалитетна и пристапна  здравствена заштита за населението.