Лекарската комора интензивно работи на склучување на договори со компании кои работат во прометот на добра и услуги на територијата на Р.Македонија, со цел да се обезбедат попусти и дополнителни поволности (бескаматно кредитирање на повеќе рати) при купување на производите и услугите што тие ги нудат на пазарот.
Имињата на фирмите и компаниите во кои членовите на Комората ќе имаат попусти и поволности редовно ќе се објавуваат на веб страницата на ЛКМ и во VOX MEDICI.
За остварување на погодностите од склучените договори, ќе биде потребно да се приложи членска карта издадена од Лекарската комора на Македонија, заедно со лична карта на членот на Комората. Поволностите се однесуваат за членовите на Лекарската комора на Македонија и нивните потесни семејства (брачен партнер, деца).
Во делот на попустите, тие се остваруваат при самото плаќање, додека Лекарската комора на Македонија во делот на гаранцијата за исплата на производи, односно услуги на рати е само посредник меѓу здравствената установа каде е вработен членот на Лекарската комора на Македонија и другата договорна страна. Гаранцијата за редовната исплата на договорените рати ја обезбедува здравствената установа во која е вработен членот на Лекарската комора на Македонија. За злоупотреба на членската карта или предизвикана штета последиците ќе ги поднесува сопственикот на членската карта издадена од Лекарската комора на Македонија.
