По повод јубилејот, 15 години постоење и делување, Стоматолошката комора на Mакедонија и додели Благодарница на Лекарската комора на Mакедонија. Благодарницата, како што беше истакнато, се доделува за долгогодишна успешна соработка и поддршка, која на претседателот на ЛКM проф. д-р Владимир Борозанов му беше врачена на свеченоста што по повод јубилејот Стоматолошката комора ја организираше во Домот на АРM, во Скопје.
Заблагодарувајќи се на признанието, претседателот на Лекарската комора, потсети дека првите пет години од Вашиот успешен растеж и развој ги изодевме заеднички, во тесна соработка, со заемно разбирање и поддршка какава што му доликува на нашиот еснаф.
Според него, eдна од основните активност треба да ни биде врaќањето на колегијалната сплотеност и солидарност, зајакнување на самодовербата кај нашите членови и на свеста за нашата хумана и неодминливо темелна општествена мисија, но и грижата за нашите пациенти. „На своите плеќи носиме огромна тежина и од говорност, со полна свест и совест, и покрај сe што се случува околу нас и меѓу нас, а бараме само системско реално општествено признание и вреднување, по чит.
Принципот на индивидуализација е неопходен, во позитивна и негативна смисла, но почитувајќи ги темелните вредности на здравствениот систем и неговите скалила, трнаспарентноста, објективноста и хиерархиската одговорност, нагласи проф. Борозанов, посакувајќи и на Стоматолошката комора натамошен професионален растеж.
