Во рамките на договорените активности четвртата регионална средба се одржа на 25 март во просториите на Собранието на Штип.
На состанокот присуствуваа раководствата на општинските одбори на Лекарската комора од територијата на Штип, Берово, Делчево, Пробиштип, Кочани, Радовиш, Виница, Струмица и Свети Николе.
На средбата во Штип од раководството на Лекарската комора на Македонија присуствуваа претседателот на ЛКМ д-р Владимир Борозанов, д-р Стоје Стојмановски, потпретседател, проф. д-р Љубица Георгиевска-Исмаил, претседател на Комисијата за стручни прашања и д-р Мерита Исмаили Марку, член на Комисијата за етичко-правни прашања.
На регионалното советување на кое присуствуваа 40 доктори, проф. д-р Владимир Борозанов зборуваше за соработката на Комората со Министерството за здравство и Фондот за здравствено осигурување. Д-р Мерита Исмаили Марку информираше за активностите за спроведување на лиценцирањето и релеиценцирањето.
За активностите во врска со спроведувањето на континуираната медицинска едукација информираше претседателот на Комисијата за стручни прашања, проф. д-р Љубица Георгиевска-Исмаил.
Во дискусијата стана збор за лиценцирањето и старосната возраст за продолжувањето на лиценците, за доставувањето на сертификатите, неинформираноста на членството за активноста на Комората, проблемите со држурствата, односите со подрачните едници на ФЗО и слично. Посебно место добија мерките на Владата кои се однесуваат на рестрикциите во здравството особено на малувањето на вредност на бодот на матичните доктори.
