ИЗМЕНИ НА ПРАВИЛНИКОТ ЗА ОБЛИЦИТЕ, КРИТЕРИУМИТЕ И РАСПОРЕДУВАЊЕ НА ОБЛИЦИТЕ И БОДОВИТЕ ЗА СТРУЧНО УСОВРШУВАЊЕ

На 13 октомври 2008 година Комисијата за стручни прашања на Лекарската комора на Македонија го разгледа работниот материјал за измени и дополнувања на Правилникот за облиците, критериумите и распоредување на облиците и бодовите на стручно усовршување како еден од условите за обновување на лиценците за работа на здравствените работници од областа на медицината. Во Правилникот ќе се вградат измените и дополнувањата на Законот за здравствена заштита донесени во јуни 2008 година, а се однесуваат на замената на основната лиценца во работна и начинот на собирање на бодовите. На состанокот, исто така, беа разгледани и предлозите и забелешките на текстот на Правилникот.

На состанокот беше формирана работна група за одобрување полагање на стручниот испит. Задача на работната група е да направи увид во приправничката книшка и да утврди дали кандидатот го завршил приправничкиот стаж според планот и програмата.

Исто така беше определен и нов состав на работната група за признавање на приправничкиот стаж и стручниот испит за оние што го полагале во странство.

Комисијата за стручни прашања и шест работни тела од по двајца членови беа задолжени за утврдување на бодовите за учество во различни облици на стручно усовршување.