За обновување на лиценцата за работа (не и за основната лиценца) треба да се исполнат два услова. Едниот е годишно, врз основа на присуство на стручни собири, да се собираа вкупно 20 бодови. Доколку сакате регуларно да соберете 20 бодови за една година пред да појдете на стручниот собир побарајте од организаторот документ со кој се потврдува дека тој е акредитиран во Лекарската комора на Македонија.
Во Лекарската комора на Македонија по пријавувањето на стручниот собир тој се акредитира, се утврдуваат бодовите и на организаторот му се доставува решение за акредитацијата и за бројот на бодовите.
Ова соопштение е намането за сите оние кои деновиве доаѓаат, или имаат намера да дојдат во Комората, за да бараат стручната служба да ми ги впише бодовите. Тоа наводно им било кажано од организаторите на стручните собири. Треба да внимавате-бодовите задолжително ги внесува организаторот на собирот по претходно добиената акредитација. Комората не е овластена за впишување на бодовите во сертификатите. Често пати во Комората се констатира дека некои од стручните собири организаторот не ги пријавил што претпоставува дека за нив не се добиваат кредити, односно бодови.
Токму од овие причини, побарајте точни информации од организаторот, календарот за стручно усовршување што го објавува “Vox Medici” или од Веб-страницата на Комората www.lkm.org.mk
