Лекарската комора на Република Македонија со повеќе манифестации го одбележа 7 Април-Денот на здравјето. По тој повод се одржаа повеќе манифестации како во Скопје така и во повеќе градови во државата.
Главната манифестација годинава се одржа на 3 април во клубот Хард Рог во Скопје. Беше тоа повеќечасовно дружење на докторите од целата наша држава.
Во чест на Денот на здравјето во просториите на Воената болница на 7 Aприл се одржа традиционалниот шаховски турнир со шахисти од целата држава.
Исто така на терените и во салата на Друштвото за телесно воспитување “Наум Наумовски Борче” во населбата Карпош 4 во Скопје се одржаа и натпревари во фудбал, во машка и женска конкуренција, потоа кошарка и пинг-понг. На овие натпревари на кои присуствуваше и министерот за здравство Имер Сељмани зедоа учество над 200 здравствени работници.
