Според документацијата со која располага Одделението за запишување на доктори и за обновување на лиценците досега се изработени 2.663 лиценци за работа. Изработени се и 620 основни лиценци.
До Лекарската комора на Република Македонија се доставени апликации за повеќе од 260 лиценци за работа.
Се очекува сите лиценци да бидат подготвени за триесеттина денови.
Според проценките врз основа на непотврдени информации се очекува апликации на уште околу 300 до 500 доктори. На овој начин ќе се комплетира списокот на сите доктори во Република Македонија.
Врз основа на динамиката можно е процесот на лиценцирање да заврши веќе во првата половина на оваа 2007 година.
Инаку треба да се напомене дека законски рок за обновување на лиценците не постои. Меѓутоа, Фондот за здравствено осигурување лиценците ги бара како еден од условите за потпишување на договорите. Исто така и работењето во болниците почнува да се условува и со поседување на лиценци.
