На одбележувањето на 7. април, Светскиот ден на здравјето се приклучија и спортистите при Здравствениот дом во Скопје. Во организацијата на спортската секција на терените на Друштвото за телесно воспитување “Партизан 4” се одржа турнир во мал фудбал, во женска и машка конкуренција.
На турнирот се натпреваруваа шест екипи во машка и две во женска конкуренција. Победници кај женските екипи беа вработените во Институтот за трудова медицина а во машка екипата на Поликлиниката “Гази Баба”.
Екипите на машкиот турнир беа поделени во две групи. Победниците од двете групи од Поликлиниката на МВР и “Гази Баба” играа во финалето. Во интересна игра претставниците од Поликлиниката “Гази Баба” беа подобри и со 3:1 заслужено го освоија победничкиот пехар.
Во женска конкуренција победникот го решаваа пеналите бидејќи натпреварот во регуларно време заврши нерешено-без голови. Победнички беа вработените во Институтот за трудова медицина а поразени вработените од амбулантата во Шуто Оризари.
