Традиционално и оваа година Комисијата за доделување на наградата "Св. Наум Охридски" го распиша конкурсот за највисоката награда на Комората за 2005 година.
Според пропозиците кандидатите ги предлагаат општинските одбори на Лекарската комора на Република Македонија.
Предлозите треба да пристигнат до стручната служба на Комората најдоцна до 20 февруари.
Во продолжние ви го презентираме конкурсот на Комисијата за доделување на наградата:
ЛЕКАРСКА КОМОРА НА МАКЕДОНИЈА
Комисијата за доделување на наградата "Св. Наум Охридски"
РАСПИШУВА КОНКУРС
за доделување на наградата "Св. Наум Охридски"
за особени постигнувања во областа на здравството во 2005 година
Наградата "Св. Наум Охридски" се доделува во знак на признание за особени остварувања во областа на здравството, на поединец - доктор на медицина.
Наградата е парична и се доделува еднаш годишно на доктор кој во претходната година особено се истакнал со совесно и одговорно извршување на докторската професија, кој остварил особено добри резултати во лекувањето на пациентите и се стекнал со доверба и популарност кај нив, кој остварил добра соработка и однос со своите колеги, не истакнувајќи ги при тоа своите амбиции и квалитети и не злоупотребувајќи го своето влијание кон пациентите за да се здобие со материјална корист, односно доследно се придржувал кон принципите на медицинската етика и Кодексот на медицинската деонтологија.
Иницијатива за доделување на наградата можат да поднесат општинските одбори на Комората.
Иницијатива за наградата треба да биде поднесена писмено, да биде образложена и да содржи лични податоци и адреса на живеење на предложените кандидати, податоци за остварените резултати во смисла на критериумите за доделување на наградата и потребна документација.
Образложената иницијатива за доделување на наградата треба да биде поднесена најдоцна до 20.02.2006 година на адреса: Лекарска комора на Македонија, улица "Народен фронт" број 21, 1000 Скопје, со назнака Комисија за доделување на наградата "Св. Наум Охридски".
Некомплетираните иницијативи и иницијативите доставени по определениот рок, нема да бидат разгледувани.
Претседател
на Комисијата
за доделување на наградата
"Св. Наум Охридски"
д-р Светлана Нешовска Николовска
