Од 15 март 2006 започнува процесот на акредитација на континуираното стручно усовршување со цел обновување на лиценците за работа на докторите на медицина. Преку континуираната медицинска едукација (КМЕ) докторите на медицина го унапредуваат сопственото знаење и вештини во дијагностиката и лекувањето.
На последната седница на Извршниот одбор на Лекарската комора на Република Македонија беа разгледани и усвоени документите кои организаторот на континуираната медицинска едукација треба да ги пополни и достави до Комората за акредитација на стручното усовршување. Согласно позитивните законски прописи, акредитација на стручното усовршување ја одобрува Комората.
Постапката за акредитација на одредено стручно усовршување е следна: Организаторот на одредено стручно усовршување доставува барање за одобрување и категоризација на стручната манифестација три месеца пред одржувањето. Комората по разгледувањето на доставената пријава и материјалите за стручното усовршување донесува одлука за признавање, категоризација и бодовно вреднување на стручното усовршување. Одлуката, Комората ја доставува до организаторот на стручнатото усовршување. Лекарската комора на Република Македонија со организаторот на стручното усовршување склучува договор за меѓусебните права и обврски.
Барањето за одобрување и категоризација на облиците на стручно усовршување од страна на организаторот на стручното усовршување, во кој се поместени и дополнителни информации (потребни документи), може да се користи за аплицирање ( да го симнете од ВЕБ страницата) за акредитација на стручно усовршување во Лекарската комора на Република Македонија .
За сите информации можете да се обратите до Лекарската комора на улица “Народен фронт“ бр 21 Скопје тел: 02 312 40 66, 323 90 60. E-mail: lkm@ lkm.org.mk .
симнете ги обрасците:
1.Барање за одобрување и категоризација на облиците на стручното усовршување од страна на организаторот на стручното усовршување
2.Анекс А
3.Анекс Б
4.Изјава за надминување на судир на интереси
5. Анкетен лист
6. Барање за одобрување и категоризација на облиците на стручното усовршување од страна на доктори на медицина
7. Анекс А
