29.12.2005
29.12.2005
ВРАЧЕНИ ПРВИТЕ ЛИЦЕНЦИ
На 21 декември на свечен начин беа врачени првите лиценци на докторите по медицина. Во хотелот Александар Палас, во присуство на голем број официјални личности, доктори и гости на овој начин беше заокружен процесот на лиценцирањето во Лекарската комора на Република Македонија. Свеченоста ја отвори и гостите ги поздрави претседателот на Лекарската комора на Македонија проф. д-р Алексеј Дума. 
Првата лиценца ја предаде проф. д-р Владо Димов, министерот за здравство, на д–р Алексадар Давидомакедонски. Лиценците ги добија триесеттина доктори од целата држава. Основни лиценци им беа врачени и на првите доктори што го полагаа стручниот испит во Лекарската комора.
На свеченоста покрај министерот за здравство присуствуваа и деканот на Медицинскиот факултет проф. д-р Магдалена Жантева Наумовска и проф. д-р Јован Тофоски, претседател на Македонско лекарско друштво.
