Состанокот на Европскиот форум на медицински асоцијации и Светската здравствена организација, идната година ќе се одржи на 21 и 22 април. Ова решение го донесе Извршниот комитет на седницата одржана на 17 септември во Барселона.
За оваа одлука деновиве е известена и Лекарската комора на Рапублика Македонија со писмото на генералниот секретар д-р Рене Салберг.
Лекарската комора на Република Македонија веќе трета година е член на оваа престижна организација во која членуваат речиси сите медицински асоцијации од Европа.
На Форумот по правило се расправа за најактуелните прашања со кои се соочува медицината и докторските асоцијации. Се очекува и овој пат да стане збор за повеќе прашања и да се разменат искуствата од функционирањето на одделните асоцијации и посебно за нивните односи со владејачките политички структури во државите.
