Според измените и дополнувањата на Законот за здравствена заштита оние што ќе го завршат Медицинскиот факултет во иднина стручниот испит ќе го полагаат во Лекарската комора на Република Македонија. За таа цел се вршат сите потребни активности во Лекарската комора подготвена да ги пречека првите завршени доктори. Се очекува првите испити да се полагаат на почетокот на следната година.
Вакуумот од периодот од донесувањето на измените и дополнувањата на Законот за здравствена заштита до почетокот на полагањето во Лекарската комора се решава со членот 51. Во него се вели:
“До отпочнувањето со работа на испитните комисии во рамките на Лекарската, Стоматолошката, односно Фармацевтската комора, здравствените работници со високо образование стручните испити ќе ги полагаат пред испитните комисии образувани од Медицинскиот, Стоматолошкиот и Фармацевстскиот факултет.”
