Работната група за примарна здравствена заштита при Лекарската комора на Македонија во изминатиот период, веднаш по годишните одмори, имаше интензивна активност. Во рамките на своие активности таа ги разгледуваше одредбите за начинот на пропишување на лекови по препорака од специјалист и субспецијалист дефинирани во Листата на лекови кои паѓаат на товар на Фондот за здравствено осигурување на Македонија. Со цел да се донесат компетентни забелешки од Работната група беа поканети во нејзината работа да учествуваат и претставници на Македонско лекарско друштво, Министерството за здравство и Фондот за здравствено осигурување.
Работната група одржа десетина состаноци на кои беа дефинирани забелешките што преку Извршниот одбор на Лекарската комора на Македонија беа доставени до Фондот за здравствено осигурување. Она што произлезе од работата на ова тело е фактот што на ваков начин можат да се надминат многу недоразбирања, дури и превиди што некогаш и ненамерно можат да се провлечат при подготовка на вакви материјали. Во оваа прилика Фондот за здравствено осигурување имаше можност да го искористи богатото искуство на докторите кои долги години работат во примарната здравствена заштита
