На 16 и 17 април оваа година во Дубровник- Хрватска, ќе се одржи состанок на Европскиот форум на медицински асоцијации и Светската здравствена организација (ЕФМА). На состанокот официјално Лекарската комора на Македонија ќе биде промовирана во редовна членка на ова респектабилна асоцијација.
Покрај обемната тематска работа на Форумот треба да се изберат членови на Извршниот комитет за периодот 2004-2006 година и да се именува и генерален секретар на организацијата.
Покрај Македонија на Форумот во Дубровник нови членки ќе станат и Албанија, Руската медицинска асоцијација и Кипарската медицинска асоцијација.
На крајот се очекува да се избере и местото на одржувањето на следниот Форум за што има многу кандидатури.
На Форумот во Дубровник Лекарската комора на Македонија чија апликација беше прифатена минатата година ќе ја претставува официјална делегација која се очекува да ја води претседателот на ЛКМ, проф. д-р Алексеј Дума.
