По одлуката на Собранието на Лекарската комора на Македонија што се одржа во октомври минатата година во Скопје е конституиран Етички комтет. Се одржаа две седници. На првата се избрани двајца потпретседатели- д-р Илир Љума и д-р Златко Васков. Договорени се и наредните активности на Комитетот.
На конститутивната седница беше договорено да се изготви деловник за работа на комитетот. За таа цел беше формирана и работна група. Тие на втората седница го презентираа деловникот кој едногласно беше усвоен од членовите на Комитетот. Во него подетално е разработен начинот на работа на Етичкиот комитет.
На втората седница беа договорени активностите на Етичкиот комитет. Веќе наредниот месец се предвидува да се расправа за клонирањето. Исто така беа набележани и повеќе други теми за кои Комитетот ќе расправа во наредниот период.
