Д-р Кочова претседател на Комисијата за етички и правни прашања
Д-р Мирјана Кочова е нов претседател на Комисијата за етички и правни прашања. Ова го одлучи Собранието на Лекарската комора на Македонија на Третото редовно годишно Собрание што се одржа во Негорски Бањи крај Гевгелија.
Најпрвин членовите на Собранието беа информирани дека досегашниот претседател на Комисијата за етички и правни прашања д-р Ратко Наумовски замина во пензија. Притоа Собранието го прифати предлогот на Извршниот одбор за нов претседател да биде избрана д-р Мирјана Кочова која беше вршител на функцијата претседател.
Меѓу другите кадровски решенија Собранието прифати во Комисијата за етички и правни прашања да биде избрана д-р Роза Мартиновска.
На местото на д-р Мартиновска која беше член на Комисијата за реформи на здравствениот систем беше избран д-р Александар Караџинов.
