Предложените измени и дополнувањата на Законот за здравствена заштита за кои расправаше Комисијата за здравство не доживеаја да бидат усвоени од претходниот состав на Парламентот. И покрај тоа во Комората интензивно се работи на подготвката поефикасно да се пречекаат промените. За таа цел во Комората се подготвени повеќе акти а сега се работи на формирање на работни групи. Тие треба да работат на реализирање на задачите што ќе ги добие Комората со новите законски решенија кои се компатибилни со законодавството во Европа.
Врз основа на предложените законски решенија и задачите што произлегуваат за Комората ќе се формираат работна група за стручен испит, за издавање на лиценца, за дополнителна проверка на стручните знаења и способнсти, за обновување на лиценцата за работа и за одземање на лиценцата за работа.
Сите овие комисии ќе ја почнат работата по усвојувањето на измените и дополнувањата на Законот за здравствена заштита. Во подготвителниот период членовите на комисиите ќе треба да се запознаат актите, односно нивните ингеренции.
