Одржани натпревари во стрелаштво, шах и пинг-понг

​Комисијата за спортски активности на Лекарска комора изминатиот период организираше неколку спортски настани, на кои лекарите покажаа дека, покрај стручноста во ординациите, поседуваат и одличен спортски дух.

​Под покровителство на Kомора, во спортската сала „Партизан“ во Карпош се одржа натпреварот во стрелаштво. Под будното око на меѓународниот судија Јордан Тасевски, беа прогласени најдобрите стрелци во машка и женска конкуренција.

​Победници во женска категорија:

​Златен медал: д-р Лидија Арсовска

​Сребрен медал: д-р Даниела Маркоска

​Бронзен медал: д-р Ана Мирчевска

​Победници во машка категорија:

​Златен медал: д-р Толе Битовски

​Сребрен медал: д-р Кирил Петковски

​Бронзен медал: д-р Александар Каревски

​На 26 април 2026 година, шаховската елита меѓу белите мантили се собра во „Гран клуб“ во Скопје. Турнирот понуди неизвесни партии во кои доминираше концентрацијата.

​Најдобро рангирани шахисти:

​Прво место: д-р Дејан Јанков

​Второ место: д-р Вело Марковски

​Трето место: д-р Зоран Јовановски

​По завршувањето на официјалниот турнир, следуваше традиционален двомеч помеѓу докторската репрезентација и екипата на најтрофејниот македонски шаховски клуб, „Алкалоид“. ​Натпреварот се одигра на седум табли во седум кола. Иако лекарите покажаа силен отпор и висок квалитет на игра, искуството на професионалците пресуди, па екипата на „Алкалоид“ славеше со конечен резултат 6:1.

На 18.04.2026 г. во Гостивар се одржа турнир во пинг-понг.

Победници:

Прво место: д-р Душко Домазетовски

Второ место: д-р Премтон Хулај 

Трето место: д-р Владимир Јовановски

На 25.04.2026 година во Скопје се одржа рекреативна велосипедската тура.  Стартот беше од арената „Борис Трајковски“, а се возеше околу  Скопје по патека долга 40 километри. Одличните временски услови само го дополнија пријатното искуство на учесниците.

​Овие активности, веќе традиционално организирани од Комисијата за спортски активности, имаат за цел да го поттикнат спортскиот дух и дружењето меѓу здравствените работници надвор од нивните секојдневни работни обврски.