Комората воспоставува е-едукација за докторите на медицина

Драги колеги,
Стручното усовршување на здравствените работници со високо образование од областа на медицината претставува континуиран процес на стекнување на нови знаења и практични вештини во текот на седумгодишниот период на важењето на Лиценцата за работа. Цел на стручното усовршување е постојано унапредување на веќе стекнатото знаење заради обликување на современ модел на доктор на медицина и обезбедување единство во докторската пракса.
Извршниот одбор на Лекарската комора на Република Северна Македонија, поради настанатата состојба со Ковид 19, донесе одлука за воспоставување на е – едукација за да се овозможи докторите на медицина да обезбедат доволен број на бодови од стручна едукација која е услов за обновување на лиценцата за работа.
Е-едукација ќе се остварува преку вебинери поставени на веб страната на Комората каде ќе се поставуваат стручни активности ( стручни состаноци, курсеви ...) за докторите на медицина. Е -едукацијата е бесплатна и достапна за сите заинтересирани доктори во секое време и од секое место.