Соопштение за промена на работно време на Лекарската комора

Согласно заклучоците, мерките и препораките на Владата и Министерството за здравство во однос на појавата и ширењето на новиот Корона вирус, со цел на нивно целосно почитување и преземање на превентивни и заштитни мерки во работењето, Лекарската комора на Република Северна Македонија ги известува граѓаните и своите членови дека за сите потребни информации во врска со лиценците, поднесување на пријави и барања, подигање на документи, полагање на стручен испит сме достапни на телефоните 02/ 3124-066,02/ 3239-060 и на електронската адресаlkm@lkm.org.mk.
Доаѓањето во просториите на Комората се одложува до донесување на нови мерки и препораки.
Кандидатите кои го пријавија полагањето на стручен испит во сесијата март 2020 година ќе бидат дополнително известени за точниот датум за полагањето кое сега за сега поради настанатата состојба е времено одложено.