Лекарската комора на Македонија јавно предупредува дека намерата на Фондот за здравствено осигурување на Македонија на веб - страница да ги објавува имиња на лекари кои наводно ги прекршиле правилата и нешто згрешиле е класичен рецепт на замена на тезите кои наместо да резултира со подобрување на системот, директно води кон зголемување на незадоволството и на пациентите и на лекарите, нивно конфронтирање и сосотјба во која и едните и другите се жртви на систем кој го карактеризираат пробламтична здравствена организација и чести и недоволно обмислени реформи.
Комората уште еднаш ги повикува надлежните од Фондот за здравствено осигурување да ги преиспитаат правните, етичките, моралните и профсионалните аспекти пред да почнат да го практикуваат најавениот проект за “ѕидот на срамот за лекарите кои грешат”. Како професионална асоцијација на докторите, Комората потсетува дека и за докторите важи правото на презумпција на невиност се до завршувањето на некоја постапка. Со тоа не се бега од одговорноста, туку се се бара почитување на правото и законските процедури.
Комората, која заедно со Македонското лекарско друштво и другите еснафски здруженија, и покрај тоа што треба да е вклучена во креирањето и резлиазацијата на реформските новини е изненадена и збунета од тајноста во која се држат наводните странски експерти кои го предложеиле ваквиот проект, со повикувањето на Светската здравствена организација ( без да се прецизира кој докумет, кој го донел, од кога...) при неговото имплементирање, како и од аргментот дека “овој модел успешно функционира во повеќето европски држави” без да се наведе кога, како и каде.
Ваквите сосотјби се веќе апсолвирани од СЗО , Светската медицинска асоцијација и други релавантни меѓународни организации. Во нивните анализи се потенцира дека од опшествен аспект, особено во земјите со проблематична здравствена организација и чести и недоволно обмислени реформи, на повеќето нивоа се негува и стимулира општествен став дека лекарите и другите здравствени работници се носители на негативните состојби во здравството и тие треба да бидат на првата линија на одговорноста и со тоа на удар на јавност, наместо нивниот носител. Mесто да се негува единствено правилниот став дека тие како професионалци се посветени, пред се и над се,на грижата за здравјето, спасувањето на животот и правилното лекување, се стимулира ставот дека тие треба бидат и виновници и жртва на последиците од лошиот здравствен ситем (зголемени трошоци,преполнети медицински институции , лош квалитет на услугитеи сл ).Со ова докторите се стваат неправедно во позиција да тие ги објаснуваат и застапуваат одуките на здравствените власти иако не се одговорни за нивното донесување, односно оваа власт се затскрива зад докторите и ги прави свои пиони.На овој начин неспособноста на општеството реално да се справи со издржан сдравствен систем соответен на препознаени стандарди и објективни потрени о можности, здравствените власти го насочуваат гневот и незадоволството на јавноста и пациентите директно кон лекарите што води кон обострано незадоволство и зачестени инциденти со пациентите, а докторите стануваат жртви.
