пребарување
   
 

Лекарската комора, Фармацевската комора и Стоматолошката комора со заедничка поддршка за афирмација на вакцинацијата

11.02.2021
Вакцинирањето е најдобар, најефикасен и најбезбеден начин за сузбивање на пандемијата и секој во рамките на своите можности и надлежности треба да даде поддршка и афирмација на овој процес, заклучија на денешната средба највисоките претставници на релевантните стручни здруженија, Лекарската комора, Фармацевската комора и Стоматолошката комора.

На настанот учествуваа и претседателката на комисијата за имунизација, како и претставници од "Мој термин" и од Здружението на матични лекари ЗПЛРМ, кои дадоа значаен придонес во дискусијата, акцентирајќи го значењето на примарната здравствена заштита во процесот.

На заедничкиот состанок се дискутираше и за актуелната состојба со пандемијата, протоколите за вакцинирање, како и за важноста информациите кои се пласираат во јавноста да бидат од релевантни извори, како би можело да се превенира ширење на непроверени факти кои ќе направат голема штета.

Во дискусијата беше истакната и важноста на воспоставување на целосен систем за електронско издавање на рецепти и упати, прашање кое ќе се атрибуира до Министерството за здравство и Фондот за здравствено осигурување.

Трите комори во рамките на меморандумот за соработка кој веќе го имаат потпишано во наредниот период ќе преземат и конкретни мерки и активности за промоција на вакцинирањето за што дополнително ќе се споделат информации.

акредитирани стручни активности



Акредитирани испитувачи во комисии за полагање стручен испит
Акредитирани здравствени установи за стручен испит
Vox Medici
 
Поволности за лекари
 
Лекарска комора на Република Северна Македонија
“Партизански одреди” број 3, 1000 Скопје, Република Северна Македонија
работно време:
понеделник - петок од 08 до 16 ч.
тел. 02/3239060
тел. 02/3225592
жиро сметка: 200000011464034
факс. 02/3124066

facebook.com/lkm.org.mk
developed by Медиум 3